Иван Яковлевич Яковлев чăваш халăхне çутта кăлараканĕ, педагогĕ, чăваш çырулăхĕпе литературине пуçарса яраканĕ. Аслă вĕрентекенĕмĕр йĕркеленĕ Чĕмпĕр чăваш шкулĕ чăвашсемшĕн хăйне евĕрлĕ культура центрĕ, академийĕ пулса тăнă. Иван Яковлевич ачасене ăс-хакăлпа пĕлÿ парас тĕлĕшпе вырăс шкулĕсемпе пĕр виçене çитерме тăрăшнă. Халăх культурине хăпартас ĕçре тăван чĕлхе пĕлтерĕшĕ пысăк пулнине палăртнă. 

  Ака уйăхĕн 21-мĕшĕнче пирĕн шкулта чăваш чĕлхи кунне, мухтавлă ентешсен çулталăкне, И.Я.Яковлева халалласа «И.Я.Яковлев – чăваш çырулăхĕпе литературине пуçарса яраканĕ» класс сехечĕ иртрĕ. Ачасем мероприятие активлă хутшăнчĕç. Вĕренекенсем И.Я.Яковлевăн пурнăç çулне аса илчĕç. Унăн ырă ĕçĕсене ăша хыврĕç.